May 13, 2012

si mama

bago ang lahat ay nais ko munang batiin ang lahat ng mga ilaw ng tahanan.
sa lahat ng mga ina, dalagang ina, NaTay, mudra, ermats, mommy, nanay, at kung anu-ano pa. bagama't alam kong hindi lahat tayo ay pare-parehas ng karanasan, nararapat pa rin naten silang bigyan ng kaukulang respeto at pasasalamat.

at dahil Mother's Day, i specially dedicate this entry sa aking ina.
ma, sana mabasa mo ito. pero i know walang chance.
unless ipabasa ko sayo. hahaha
base sa page views, bukod sa Pilipinas karamihan ng readers ko ay english-speakers (Amerikano at Russo).
pero para mabilis maunawaan ni mama at maintindihan nya, heto't nag tagalog ako just in case mabasa niya. lol

hemingways, nais kong ipakilala sa inyo ang pinakamahalagang babae sa aking buhay, si mama.




masarap magluto si mama. bicolana siya kaya naman hindi na yun nakapagtataka. nung bata pa ako natatandaan ko, meron kaming canteen sa Taft Avenue sa Maynila. parokyano nya nuon ang dating sikat na Easter Telecom, PLDT at ilang mga college students na malapit sa pwesto namin.
wala akong narinig na nagsabing hindi nila nagustuhan ang luto ni mama.
sa katunayan, kapag may mga malaking handaan sa aming lugar, kadalasang kinukuha ang serbisyo niya upang magluto.
kaya naman kahit nung elementary palang ako, sa tuwing christmas party, lagi kong binibida si mama para magluto.

magaling din maghilot si mama. wala naman siyang formal training sa TESDA or kung saan man kaya’t hindi ko mawari kung paano niya natutunan ang manghilot.
at tulad ng pagkuha sa kanyang serbisyo sa pagluluto, kilala din si mama sa aming lugar bilang manghihilot. gamit lang ang efficascent oil, hinihilot nya ang mga may pilay, masasakit ang katawan at kung anu-ano pa. makaluma man kung tutuusin ang ”hilot”, may mga ilang Pilipino pa rin ang nakasanayan ang ganitong paraan. ang dinig ko sa mga nahilot niya, magaling daw maghilot si mama at gumagaling/gumagaan naman ang pakiramdam nila.
dahil dito natutuwa naman ako bagaman may ilang mga pagkakataon na nagtatalo kami dahil pakiramdam ko minsan binabarat na siya ng ibang mapagsamantala. saan ka naman nakakita na 50 pesos buong katawan ang pinahilot??
kamusta naman yun!
paa pa nga lang pinamassage ko sa spa, 300+ na.
hindi kasi nagprepresyo si mama. bahala na kung magkano ang ibigay sa kanya.

sa ngayon ay malapit na sa dapit-hapon ng kanyang buhay si mama. pinagkakaabalahan nalang niya ay ang kanyang mga apo sa aking ate. dalawa lang kasi kaming magkapatid at ako ang bunso. siya na halos ang tumututok sa pagaaral ng mga apo niya kaysa sa ate ko.
alam kong ’yon ay kaligayahan na niya.
na makita ang kanyang mga apo na makapagtapos ng pagaaral tulad nung pinalaki niya kami ni ate at pinagtapos ng pag-aaral. hindi nakapagtapos si mama ng elementary kaya’t lagi niyang sinasabi na yun lang daw ang kaya nyang ibigay sa mga apo niya dahil wala naman daw siyang pera na pwedeng ipamana kundi edukasyon.

mabuti nalang nga at hindi nya ako natatanung kung kailan ko siya mabibigyan ng apo. lol
hindi pa kasi alam ni mama na babae anak niya. hahaha
seriously, sa tingin ko hindi ko naman na kailangan aminin pa kay mama ang tungkol sekswalidad ko. alam ko sa sarile ko na alam naman na nyun, o kung hindi man, kahit papano may ideya siya.
25 years ko siyang kasama kaya heller wag siyang mag play dead! hahaha joke :)

"mama, maraming salamat sa lahat, at pasensya na sa mga pagkukulang ko bilang isang anak. marami na tayong pinagdaanan. i love you at sana ay manatili ka pa ng matagal sa tabi ko dahil kailngan pa kita... ng mga apo mo... at ng mga taong nagmamahal sayo... "


muli, happy mother's day po sa inyong mga nanay o kinikilalang nanay!


[christiansantamaria]


May 13, 2012 hospital

0 comments:

Post a Comment